அர்ஜுன் தாஸ் நடிக்கும் ‘அநீதி’ படத்தின் முன்னோட்டம் இணையத்தில் வெளியானது!

இயக்குநர் வசந்தபாலன் இயக்கத்தில் அர்ஜீன் தாஸ் நடிக்கும் ‘அநீதி’ படத்தின் முன்னோட்டம் இணையத்தில் வெளியாகி இருக்கிறது.

Urban Boys Studios தயாரிப்பில், இயக்குநர் வசந்தபாலன் இயக்கத்தில், அர்ஜீன் தாஸ், துஷாரா விஜயன் மற்றும் பலர் நடிக்கும் ‘அநீதி’ படத்தின் முன்னோட்டம் இணையத்தில் வெளியாகி உள்ளது. அந்தகாரம் படத்திற்கு பின் நீண்ட இடைவெளிகளுக்கு பிறகு தனி ஒரு ஹீரோவாக ‘அநீதி’ படத்தில் களம் இறங்க இருக்கிறார் அர்ஜீன் தாஸ்.

கைதி படத்தில் பெரிதும் பாராட்டப்பட்ட வில்லனாக அறியப்பட்ட அர்ஜீன் தாஸ் அவரின் கனத்த குரலுக்கென்றே ரசிகர்கள் பல உண்டு. இவர் தனி ஒரு ஹீரோவாக நடித்தால் மாஸ் ஆக இருக்குமே என்று பலரும் நினைத்துக்கொண்டிருந்த நிலையில் தான் அந்தகாரம் படத்தில் நடித்திருந்தார். இருந்தாலும் ரசிகர்கள் எதிர்பார்த்த அளவிற்கு மாஸ் ஆன கேரக்டராக அது அமையவில்லை. பார்க்கலாம் வசந்தபாலனின் இந்த ‘அநீதி’யாவது ரசிகர்களின் மாஸ் என்கிற எதிர்பார்ப்பை பூர்த்தி செய்யுமா என்று!

“ திறமைகள் நிச்சயம் ஒருவரை உயரத்திற்கு கொண்டு செல்லும், நீங்களும் இந்த திரை உலகில் நிச்சயம் மென்மேலும் வெல்வீர்கள் அர்ஜூன் தாஸ், அநீதி திரைப்படத்திற்கு இடம்பொருள் டீம் சார்பாக வாழ்த்துக்கள் “