வெளியானது மறைந்த ஜெ ஜெயலலிதா அவர்களின் பயோபிக் ஆன தலைவி!

பெரிதும் எதிர்பார்க்கப்பட்ட மறைந்த ஜெ ஜெயலலிதா அவர்களின் பயோபிக்-ஆக கருதப்படும் தலைவி திரைப்படம் பேண்டமிக் நிலைமை காரணமாக தொடர்ந்து தள்ளி போன நிலையில் இன்று திரையரங்குகளில் ஒரு வழியாக வெளியாகி பெரும் வரவேற்பை பெற்று வருகிறது.

விஷ்ணு வர்தன் தயாரிப்பில், ஏ எல் விஜய் இயக்கத்தில் கங்கனா ரனாவத், அரவிந்த் சாமி, பாக்யஸ்ரீ, மது, சமுத்திரக்கனி உள்ளிட்ட பலரும் நடித்திருக்கும் தலைவி படம் கொரோனோ சூழலில் தொடர்ந்து வெளியாவதில் சிக்கல் ஏற்பட்டுக்கொண்டிருந்த நிலையில் இன்று திரையரங்குகளில் அதிகாரப்பூர்வமாக வெளியாகி இருக்கிறது. மேலும் பல சினிமா கிரிட்டிக்ஸ்சிடம் இருந்தும் பாசிட்டிவ் ரிவ்யூவ்களையும் பெற்று வருகிறது.

முதலில் இத்திரைப்படம் வலைதளத்தில் தான் வெளியாகும் என்று பலரும் எதிர்பார்த்து கொண்டிருந்த நிலையில் தற்போது நேரடியாக திரையரங்குகளில் ரிலீஸ் ஆகி இருக்கிறது. மேலும் இன்னும் இரண்டு வாரங்களில் தலைவியின் ஹிந்தி பதிப்பு நெட் பிளிக்சிலும், தமிழ் மற்றும் தெலுங்கு பதிப்பு அமேசான் பிரைம்மிலும் வெளியாகும் என்று படக்குழு அதிகாரப்பூர்வமாக தெரிவித்துள்ளது.

“ தலைவி ஜெ ஜெயலலிதா அவர்கள் திரையிலும் சரி, அரசியலிலும் சரி, பொதுப்பணியிலும் சரி, சென்ற துறையில் எல்லாம் வெற்றிகளை குவித்திருந்தார் அது போல அவரின் பயோபிக் ஆக கருதப்படும் ’தலைவி’ திரைப்படமும் திரை உலகில் வெற்றிகளை குவிக்கும் என்பதை எதிர்பார்த்து ரசிகர்கள் காத்துக்கொண்டு இருக்கின்றனர் “