ஐபிஎல் 2021 | கோப்பையை வென்றது CSK, சொன்னதை செய்து காட்டினார் தோனி!

ஐபிஎல் 2021-இன் பைனலில் கொல்கத்தாவை அதிரடியாக தோற்கடித்து கோப்பையை கைப்பற்றியது தோனி தலைமையிலான சென்னை அணி.

முதலில் ஆடிய சென்னை அணி துவக்கம் முதலே அதிரடியைக் காட்டி நிர்ணயிக்கப்பட்ட 20 ஓவர்களில் 192 ரன்களை குவித்தது. அதற்கு பின் களம் இறங்கிய கொல்கத்தா அணி ஆரம்பத்தில் அதிரடி காட்டிய போதும் அடுத்தடுத்து விக்கெட்டுகளை தவற விட்டு, இலக்கை அடைய முடியாமல் தோல்வியைத் தழுவியது.

சென்னை தரப்பில் அதிகபட்சமாக 7 போர்கள் மற்றும் 3 சிக்ஸ்களுடன் டியூ பிளசிஸ் 86(59) ரன்கள் எடுத்தார். கொல்கத்தா தரப்பில் இரண்டு ஓபனர்களும் 50 ரன்களை கடந்த போதும் அடுத்தடுத்து வந்தவர்கள் சொதப்பியதன் விளைவு கொல்கத்தாவின் பாதையை தோல்விக்கு அழைத்து சென்றது. சென்னை சார்பில் வெங்கடேஷ் ஐயர், ரானா, திரிபாதி என்ற மூன்று முக்கியமான விக்கெட்டுக்களை கைப்பற்றி சென்னையின் வெற்றிக்கு வித்திட்டார் ஸ்ரதுல் தாகூர்.

2020 ஐபிஎல்-இல் முதல் அணியாக லீக் சுற்றிலேயே வெளியேறிய அணி, சென்னை சூப்பர் கிங்ஸ். அப்போது தோனி சொன்ன வார்த்தைகள் ’இது கடந்து போகட்டும். மீண்டும் எழுச்சி பெறுவோம், அது தான் நாங்கள்’ என்று கூறி இருந்தார். அது போலவே சென்னையின் எழுச்சி 2021-இல் தொடங்கியது. இந்த ஐபிஎல்-இல் முதல் அணியாக ப்ளே ஆப்-யிற்கு தகுதி பெற்றது சென்னை அணி. குவாலிபையர் 1-இல் டெல்லியை அதிரடியாக தோற்கடித்தது. பைனலில் தற்போது கொல்கத்தாவையும் தோற்கடித்து தனது நான்காவது கோப்பையை கைப்பற்றி இருக்கிறது சென்னை அணி!

“ சொன்னதை செய்து காமித்ததோடு மட்டுமில்லாமல், சென்னை அணிக்கு கோப்பையையும் கைப்பற்றிக் கொடுத்து இருக்கிறார் மகேந்திர சிங் தோனி “